Administración Local

Municipal

Ribeira

Convocatoria de subvencións e axudas públicas

Extracto do acordo da Xunta de Gobierno Local do 28 de maio de 2026 polo que se convocan as axudas municipais de material escolar e comedor para alumnos/as dos centros docentes públicos e concertados de educación infantil, educación primaria e secundaria para o curso académico 2026-2027 dirixidas a familias do Concello de Ribeira

BDNS (Identif.): 908830

De conformidade co previsto nos artigos 17.3.b e 20.8.a de a Lei 38/2003, do 17 de novembro, Xeneral de Subvencións, publícase o extracto da convocatoria cuxo texto completo pode consultarse na Base de Datos Nacional de Subvencións (https://www.infosubvenciones.es/bdnstrans/ge/es/convocatoria/908830)

Primeiro. Beneficiarios.

Poderán optar a estas subvencións as persoas que reúnan as seguintes condicións:

a) Que a unidade familiar de convivencia estea empadroada no Concello de Ribeira.

b) Convivir cos/as alumnos/as para os que se solicitan as axudas.

c) Que os/as alumnos/as para os que se solicitan as axudas estean matriculados/as ou ter reserva de matrícula en centros públicos ou concertados, en segunda etapa de Educación Infantil, Educación Primaria e Educación Secundaria Obrigatoria.

d) Ter presentada a solicitude e documentación no prazo e forma legal establecido.

e) Que os centros educativos para os que se solicita a axuda estean situados no termo municipal de Ribeira.

f) Non superar os 8.000,00 euros anuais de ingresos per cápita, no exercicio económico 2024.

Segundo. Obxecto.

Esta convocatoria ten por obxecto establecer os criterios e o procedemento para a concesión de axudas ás familias dos alumnos/as de centros docentes públicos e concertados, de educación infantil, primaria e secundaria obrigatoria, con domicilio en Ribeira durante o curso escolar 2026/2027, de acordo cos principios de obxectividade, concorrencia competitiva e publicidade.

Terceiro. Bases reguladoras.

Ordenanza xeral de subvencións do Concello de Ribeira, incluídas nas Bases de Execución do orzamento.

Cuarto. Contía.

O crédito previsto para o outorgamento destas subvencións recóllese na seguinte aplicación:

231A 48025, con importe de 64.000 euros.

Quinto. Período elixible.

Acolleranse a estas axudas os alumnos/as empadroados no concello de Ribeira e matriculados no curso académico 2026-2027.

Sexto. Prazo de presentación de solicitudes.

O prazo de presentación das solicitudes será de 15 días hábiles contados a partir da publicación do extracto da convocatoria no BOP da Coruña.

 

RIBEIRA

28/5/2026

MARÍA JOSÉ SAMPEDRO FERNÁNDEZ, ALCALDESA.

2026/3563